PLANTAMOS NA HORTA.

Chegou a primavera e con ela o tempo de comezar a plantación de verduras, hortalizas  e legumes na nosa horta. Aproveitando que o tema de Vedra en Ciencia foron os legumes, sementamos un tipo destas plantas que non sabiamos que eran leguminosas: os cacahuetes. 

Unhas semanas despois plantamos rábanos, acelgas, fabas, espinacas e perexil. 

Tamén comprobamos que os allos que plantamos en xaneiro, medraron moito e moi rápido. 

VEDRA EN CIENCIA 2017

Un ano máis, os nenos e nenas de Educación Infantil participamos na décima edición de Vedra en Ciencia. Este curso, a temática xirou en torno os legumes. Tras a presentación do concurso por parte do Concello, realizamos numerosas actividades para achegarnos ao coñecemento dos legumes. 

OBRADOIROS COAS FAMILIAS: 

EXPERIMENTAMOS COS LEGUMES NA CLASE:

ELABORACIÓN DOS EXPERIMENTOS PARA O CONCURSO: 

EXPOSICIÓN NA CASA DAS ARTES DE VEDRA: 

Aquí atoparedes máis imaxes do traballo de Vedra en Ciencia.

BATÁN

A familia de Mingos e Tareixa cederon a aula de infantil un batán artesán da súa familia. Mingos explicounos que un batán é unha máquina destinada a transformar os tecidos abertos en outros máis tupidos. Comentounos que funcionan a través da forza da corrente de auga que fai mover unha roda hidráulica e que activa os mazos que posteriormente golpeaban os tecidos ata compactalos.

Para comprobalo empregamos un anaco de plastilina en lugar do tecido e a forza do corpo en lugar da enerxía da auga.

Moitas grazas á familia de Mingos e Tareixa pola súa aportación!

O CRECEMENTO DAS LEGUMES

Anxo e Manuel mostráronnos o proceso de crecemento das legumes: fabas, lentellas, garabanzos...

1. Colocar a legume nun algodón mollado.

2. Dispoñer a semente nun lugar cálido e luminoso, para que reciba o calor do sol.

3. No prazo de dous ou tres días a semente irase inflando e brotarán dúas follas.

4. Regarase a plantiña todos os días e con moi pouquiña auga.

Explicáronnos que as plantas son seres vivos que necesitan da auga para medrar. Primeiro sae a raíz da semente, despois vai medrando o talo que é o que da forma á planta e, finalmente, as follas. As plantas nacen, crecen e aliméntanse a partir do aire, da auga, dos nutrientes do solo e da luz do sol; sendo un proceso lento.

PLANTAMOS REPOLOS E PUERROS

DATA	OUTUBRO DO 2015
ACTIVIDADE	PLANTAMOS REPOLOS E PUERROS
ÁREA DE APRENDIZAXE	CIENCIAS
DESCRICIÓN DA ACTIVIDADE	PLANTACIÓN DE HORTALIZAS NOS BANCAIS DA HORTA.
OBXECTIVOS	-         IDENTIFICAR O REPOLO E O PUERRO DENTRO DO GRUPO DAS  HORTALIZAS. -         RECOÑECER CALES SON OS PASOS QUE SEGUIMOS NA PLANTACIÓN. -         PARTICIPAR NA ACTIVIDADE. -         VALORAR A IMPORTANCIA DO CONSUMO DE HORTALIZAS NA NOSA DIETA DIARIA. -         REPRESENTAR A EXPERIENCIA A TRAVÉS DO DEBUXO.

COGOMELOS

AS FASES DA LÚA

GAEL TROUXO Á CLASE UNHA CAIXIÑA CON LUZ ONDE APARECÍAN REPRESENTADAS AS 4  FASES DA LÚA.

NA ASAMBLEA CADA NENO/A EMITIU AS SÚAS HIPÓTESES PARTINDO DUNHA SERIE DE CUESTIÓNS:

- TEN REALMENTE A LÚA 4 CARAS?

- POR QUE VAN CAMBIANDO?

- EN QUE MOMENTO SE PRODUCE O CAMBIO DE CARA?

- VÍCHEDES REPRESENTADAS AS CARAS DA LÚA NALGÚN SITIO? E NA AULA?

- ...

INTENTAMOS DAR RESPOSTA PARTINDO DOS CALENDARIOS QUE AS FAMILIAS APORTARON AO INICIO DO ANO 2015.

NOVAS DÚBIDAS E CUESTIÓNS XURDIRON...

PENSAMOS EN NOVAS FONTES DE INFORMACIÓN E RAPIDAMENTE XURDIU A IDEA DE BUSCAR ALGÚN VÍDEO EXPLICATIVO EN INTERNET!

E FINALMENTE REALIZAMOS INDIVIDUALMENTE A ACTIVIDADE IMPRESA: "AS FASES DA LÚA":

¿CÓMO SE HACE EL ARCO IRIS?

MINIA TROUXO Á AULA O CONTO DE "¿CÓMO SE HACE EL ARCO IRIS" DE BETTY ANN SCHWARTZ. LIMOS O CONTO, INVESTIGAMOS SOBRE A APARICIÓN DO ARCO DA VELLA E, EN PEQUENOS GRUPOS, ILUSTRAMOS UNHA DAS SÚAS CORES COA PERSONAXE CORRESPONDENTE QUE A INTRODUCÍA:

- VERMELLO - XOANIÑA

- LARANXA - ZORRA

- AMARELO - POLIÑO

- VERDE - SALTÓN

- AZUL - PAXARO

- VIOLETA - BOLBORETA

DESPOIS DA EXPERIENCIA OCORRÉUSENOS A IDEA DE CREAR O ARCO DA VELLA NO RECUNCHO DE CIENCIAS.