INTERCAMBIO DE POSTAIS DE NADAL

Aproveitando que co Concurso de Postais de Nadal do Concello elaboramos este tipo de creacións dende o punto de vista artístico, decidimos afondar un pouco máis e traballar este tipo de texto característico das felicitación de Nadal.

Para iso, comezamos analizando e lendo o contido dalgunhas felicitacións de Nadal extraídas de Internet.

Logo, elaboramos  en gran grupo un exemplo de texto de felicitación a partir das aportacións que ían saíndo.

A continuación, sintetizamos as partes que  compoñen a estrutura tipo dunha felicitación.

Por último, cada un de nós pensou a súa mensaxe e fómolas recollendo por escrito de diferentes modos:

- Os nenos e nenas de 3 anos centráronse en escribir o saúdo, a despedida e o seu nome. Tamén pensaron eles mesmos o contido do corpo da felicitación que foi transcrito polas mestras. Velaquí algúns exemplos do texto e o debuxo:

-  Os alumnos e alumnas de 4 anos combinaron varias estratexias: escribir o texto  pronunciando eles mesmos e escribindo o que oían, escribindo o que era pronunciado polas mestras ou copiado da mensaxe que eles mesmos previamente pensaran.

- Os nenos e nenas de 5 anos, escribiron o texto da postal pronunciando eles mesmos a mensaxe que previamente pensaron e deseñaron.

MOMENTOS DE LECTURA-ESCRITURA

Na aula de educación infantil xorden a diario momentos espontáneos de lectura e escritura por parte dos nenos e nenas.

É importante que as mestras esteamos moi atentas para poder intervir no proceso, valorando de maneira moi positiva o seu interese, esforzo e a funcionalidade do propio texto.

- ESCRIBIMOS NA PIZARRA.

- ESCRIBIMOS LISTAS DE NENOS/AS.

- POÑÉMOSLLE NOME ÁS NOSAS MASCOTAS.

- POÑÉMOSLLE NOME ÁS NOSAS COMPOSICIÓNS.

- EMPREGAMOS O MATERIAL DA BIBLIOTECA - BUSCA DAS INICIAIS.

- ILUSTRAMOS E NOMEAMOS AS NOSAS CREACIÓNS.

- XOGAMOS A BUSCAR NOMES COAS LETRAS MÓBILES.

- FACÉMONOS REGALOS AGARIMOSOS E PERSONALIZADOS.