DÍA DAS LETRAS GALEGAS 2015

O venres 15 de Maio conmemoramos o Día das Letras Galegas, adicándoo ao autor homenaxeado neste ano 2015: Xosé Fernando Filgueira Valverde.

- A xornada comezou coa lectura da vida e obra do autor, levada a cabo polas alumnas de 6º de Primaria. A continuación repartíronse os premios de poesía, realizando a lectura individual de cada un dos poemas premiados.

- O alumnado de Primaria (3º-4º-5º-6º) procedeu á lectura dun conto ao alumnado de Infantil e 1º e 2º de Primaria.
Previamente tivo lugar un sorteo co nome do neno ou da nena participante. Unha vez lido o conto os propios nenos/as buscaban un novo compañeiro/a ao que aínda non lle leran o conto escollido. Eles mesmos decidían aquel recuncho especial no que compartir eses momentos de acollida.

(*) Cantiga interpretada polo alumnado da escola de Cea

TECENDO REDES DE AMIZADE

Con motivo do aniversario de Iván, xurdiu un xogo a partir dun ovillo de lá.
Cada un dos nenos/as da aula lanzaba o ovillo de lá a un compañeiro/a á vez que dicía algo positivo del.

O que máis me gusta de ti é...
Es o meu amigo/a porque...
Síntome a gusto contigo cando...

Démonos conta de canto nos custa empregar estas expresións, de que difícil era dicilo mirando á cara e  de que complicado era atopar os adxectivos cualificativos máis axeitados para cada un e unha de nós.

Animámosvos a facer este xogo na casa!

PROGRAMA PRENSA-ESCOLA DA VOZ DE GALICIA

Neste curso 2014-2015 o alumnado de Educación Infantil e 2º ciclo de Educación Primaria propúxose participar no  Programa Prensa-Escola da Voz de Galicia que se desenvolve en colaboración co  Programa Voz Natura co que estamos colaborando dende o curso pasado.

Este concurso, aberto a toda a comunidade escolar galega, busca que os alumnos/as dende a Educación Infantil ata etapas superiores, se familiaricen coa lectura e o manexo do xornal e desenvolvan a súa capacidade de exposición e redacción baseándose nas informacións publicadas na edición impresa ou dixital da Voz de Galicia.

Grazas familias pola vosa colaboración!

DEBUXO LIBRE - PLÁSTICA

DESEÑO DE XOIAS

DESEÑOS DE XOIAS REALIZADOS POLO ALUMNADO DE PRIMARIA

DERRIBANDO OS MUROS DA EDUCACIÓN

Fermín Blanco e David Rodríguez presentan ao alumnado de Primaria a proposta "Repensando a escola" a través da obra de Gordon Matta Clark.

"Derribando os muros da educación" Fermín Blanco

Decidimos plasmar a súa obra a través da creación dunha elipse na antigua casa do mestre. 

- O primeiro paso foi solicitar a axuda dos operarios do concello.

- Experimentamos cos novos espazos creados: marcando a elipse proxectada, explorando a apertura das formas, xogando coas sombras...

VÍDEOS ANTROIDO 2015

O APALPADOR. Interpretado polo alumnado de Educación Infantil

A POLINIZACIÓN. Interpretado polo alumnado do 1º ciclo de E.P.

O MIUDIÑO. Interpretado polo alumnado do 2º ciclo de E.P.

O PITIÑO PÍO. Interpretado polo alumnado do 3º ciclo de E.P.