FROITA NA ESCOLA 15-16

Continuando coa iniciativa de fomentar o consumo da froita na escola, achegámosvos o desenvolvemento desta proposta para o curso 2015-2016, que tamén podedes atopar na sección dos blogs "FROITA NO CEIP ORTIGUEIRA".

O XOGO DOS BARQUIÑOS

No recuncho da lóxica-matemática incorporamos un novo recurso, o xogo dos barquiños. A través dunha serie de plantillas, os nenos/as terán que ordenar a imaxe que nelas aparece sinalando a fila e columna correspondente.

ACTIVIDADES DE RELAXACIÓN

- A relaxación do globo: Os nenos/as aprenden a gozar da tranquilidade e tempos de descanso a través do contacto que establecen co globo.

- O vermiño: Os nenos/as, á sinal da mestra, vanse colocando en liña constituíndo a figura dun vermiño. Cando o vermiño está formado, os nenos/as siguen consignas concretas a través de masaxes e caricias.

VEDRA EN CIENCIA 2016: "A LUZ É CIENCIA"

Presentación do proxecto por parte do concello. Temática: A luz. O alumnado realizó un obradoiro de sombras, a través da elaboración plástica de estrelas e lúas.

Proceso de desenvolvemento do proxecto:

- Exposición artística das bombillas

- Os experimentos da luz: lapis partido, culler que encolle, disco de Newton e man transparente

Exposición no CPI de Vedra: "A luz é ciencia"

SAÍDA FINAL DE CURSO A MARÍN

O luns 30 de maio o alumnado e profesorado do centro realizou a excursión de final de curso a Marín. Este foi o percorrido que fixemos en autobús:

Os lugares visitados foron:

- O Eco-Parque Multiaventura, onde gozamos toda a mañá dun circuito polas árbores (primaria) e da visita aos cabalos e xogos variados (infantil).

- O lago de Castiñeiras, onde xantamos e fixemos un pequeno roteiro ao redor do lago.

- O parque dos sentidos, onde descubrimos os diferentes espazos que nos ofrecía o parque a través do uso de materias que estimulaban cada un dos cinco sentidos.

CONCURSO DE POESÍA INFANTIL: O CUCO

O alumnado de Educación Infantil decidiu representar o poema de "O cuco" de Manuel María para o concurso de poesía do centro.

O CUCO

CANTA CUCO OU CALA CUCO

EU EN TI XA NON CHE CREO

DESDE QUE SEI QUE VAS POÑER

O TEU OVO EN NIÑO ALLEO.

DESDEIXADO E PREGUICEIRO,

TAN SÓ PENSAS EN FOLGAR.

SOAMENTE DIS DÚAS NOTAS

E XA TES QUE DESCANSAR!

CANTA CUCO OU CALA CUCO,

PREGUICEIRO, NUGALLÓN:

A MIN POUCO CHE ME IMPORTA

QUE ESTEAS CANTANDO OU NON!

Manuel María

As ilustracións escollidas polo xurado foron as de:

Carlota Mera Río

Leo Gamallo Lareo

Telmo Canosa Barco

Beltrán Canosa Barco

Joel Estévez Valladares

Ariadna Castro Casal

XOGAMOS AO CINQUILLO

Na aula utilizamos recursos de uso cotiá para o desenvolvemento das habilidades matemáticas. Un dos materiais empregados son as cartas, e o xogo escollido: O CINQUILLO.

Os obxectivos a desenvolver son:

- Relacionar o número coa cantidade.

- Colocar de maior a menor os números.

- Establecer seriacións atendendo á cor das cartas.

- Agardar a quenda de xogada.

- Aceptar as reglas do xogo.

Como xogamos?

- Explicamos a funcionalidade das cartas e as normas do xogo.

- Xogamos en gran grupo ao cinquillo.

- Distribuímonos en pequenos grupos (3-4 nenos/as), cun dos palos da baralla (oros, espadas, bastos ou copas).

- Xuntamos 2 grupos e 2 palos da baralla.