luns, 15 de xuño de 2015

AS FASES DA LÚA

GAEL TROUXO Á CLASE UNHA CAIXIÑA CON LUZ ONDE APARECÍAN REPRESENTADAS AS 4  FASES DA LÚA.


NA ASAMBLEA CADA NENO/A EMITIU AS SÚAS HIPÓTESES PARTINDO DUNHA SERIE DE CUESTIÓNS:

- TEN REALMENTE A LÚA 4 CARAS?
- POR QUE VAN CAMBIANDO?
- EN QUE MOMENTO SE PRODUCE O CAMBIO DE CARA?
- VÍCHEDES REPRESENTADAS AS CARAS DA LÚA NALGÚN SITIO? E NA AULA?
- ...

INTENTAMOS DAR RESPOSTA PARTINDO DOS CALENDARIOS QUE AS FAMILIAS APORTARON AO INICIO DO ANO 2015.
NOVAS DÚBIDAS E CUESTIÓNS XURDIRON...

PENSAMOS EN NOVAS FONTES DE INFORMACIÓN E RAPIDAMENTE XURDIU A IDEA DE BUSCAR ALGÚN VÍDEO EXPLICATIVO EN INTERNET!


E FINALMENTE REALIZAMOS INDIVIDUALMENTE A ACTIVIDADE IMPRESA: "AS FASES DA LÚA":

xoves, 11 de xuño de 2015

LECTURAS PRIMARIA 2014-2015

NESTE CURSO RECIBIMOS A VISITA DUNS CONTACONTOS MOI ESPECIAIS:

O ALUMNADO DE EDUCACIÓN PRIMARIA!

ESTES FORON OS CONTOS LIDOS:

 

A galiña Roxa atopou uns grans de trigo, sementounos, recolleu a colleita, foi ao muíño, forneou o pan... Pero nin o can, nin o gato nin o pato lle axudaron a facer todo ese traballo, os moi cómodos e nugalláns.



Un conto no que as cousas non son o que parecen. Está formado por imaxes encadeadas nas que a metade da imaxe inicial que se observa non se corresponde coa outra metade da imaxe, causando un efecto sorpresa.Este conto desenvolve a creatividade e a imaxinación dos nenos/as, permitíndolles crear historias a través das imaxes do conto.





Na casa de Guille óense ruídos estraños e ata a súa propia mamá está asustada. Pero Guille atopa a fórmula para desenmascarar os medos.




Conto popular. Esta é a historia dun poliño que un día se atopou cunha bolsa chea de moedas de ouro. Levoulla ao rei; pero aquel rei era moi, moi mesquiño.





Moncho píntao todo: a cama, o mantel, a neveira, o avó... Despois dunha intensa xornada de traballo, insiste, con entusiasmo de pintor, en descubrir o que representa unha mancha de pintura negra sobre un papel branco. A mancha parece que se metamorfosea aos ollos de quen deixa voar a imaxinación pero, na súa teimosa busca, Moncho atópase tamén con persoas incapaces de darlle unha resposta.... 




Que supón nacer? A miña primeira viaxe é a historia do comezo da vida humana narrada en primeira persoa polo protagonista: un bebé no ventre materno. Un bebé que viaxa dentro do que el percibe como unha cápsula na cal percorre un universo descoñecido. Sabe que iniciou unha viaxe pero non sabe cara a onde. Dentro desa nave, o latexo do corazón da nai, que interpreta como son de motores, dálle seguridade.


GRACIÑAS COMPAÑEIROS E COMPAÑEIRAS POR COMPARTIR CON NÓS MOMENTOS TAN ESPECIAIS!

ANIVERSARIOS DO 2º TRIMESTRE

NO SEGUNDO TRIMESTRE TIVEMOS DE ANIVERSARIO A ...


MOITOS PARABÉNS AMIG@S!

CELEBRAMOS O ANIVERSARIO DE TODOS OS NENOS E NENAS DE EDUCACIÓN INFANTIL A TRAVÉS DUN OBRADOIRO DE COCIÑA: GALLETAS DE CHOCOLATE SEN GLUTEN.


AGRADECERLLE Á AVOA DE HUGO, ARIADNA E DIEGO A SÚA COLABORACIÓN!



 4 ANOS


5 ANOS


6 ANOS

xoves, 4 de xuño de 2015

REALIZAMOS COLGANTES

Nas últimas semanas os nenos/as entusiasmáronse na realización de colgantes, empregando o material propio do caixón da psicomotricidade fina.

Que materiais precisaban para a súa elaboración?
- Plantilla con debuxos marcados con puntiños
- Punzóns
- Alfombrillas
- Lapis e goma
- Cores

Cal foi o proceso?
- Seleccionar o material necesario
- Picar a plantilla
- Decorar o colgante
- Escribir o nome do animal u obxecto
- Perforar e colocar a la dentro do burato

Cales foron os obxectivos a acadar?
- Controlar o dominio do movemento muscular logrando movementos precisos e coordinados
- Desenvolver o control viso motriz (ollo-man)
- Manter a calma e a paciencia picando polos puntos
- Recoñecer o animal u obxecto poñéndolle nome
- Gozar da súa propia creación











¿CÓMO SE HACE EL ARCO IRIS?


MINIA TROUXO Á AULA O CONTO DE "¿CÓMO SE HACE EL ARCO IRIS" DE BETTY ANN SCHWARTZ. LIMOS O CONTO, INVESTIGAMOS SOBRE A APARICIÓN DO ARCO DA VELLA E, EN PEQUENOS GRUPOS, ILUSTRAMOS UNHA DAS SÚAS CORES COA PERSONAXE CORRESPONDENTE QUE A INTRODUCÍA:

- VERMELLO - XOANIÑA


- LARANXA - ZORRA


- AMARELO - POLIÑO


- VERDE - SALTÓN


- AZUL - PAXARO


- VIOLETA - BOLBORETA


DESPOIS DA EXPERIENCIA OCORRÉUSENOS A IDEA DE CREAR O ARCO DA VELLA NO RECUNCHO DE CIENCIAS.

CANTOS DÍAS TEN UN MES?

Todos os días na asamblea apuntamos no calendario o día do mes no que nos atopamos. Observando os calendarios da aula démonos conta que había meses que tiñan 30 días, outros 31 e incluso que o mes de febreiro oscilaba entre 28-29 días!

- A mestra Mirian ensinounos, a través dun xogo -a montaña e o valle-, unha regla mnemotécnica que nos axudaría a lembrar que meses teñen 30 e 31 días.


- Ao finalizar o mes, retirabamos as follas do calendario e recortabamos no recuncho da lóxica-matemática os números.








- En pequenos grupos clasificábamos os números.





- Colocando cada número na folla coa cifra correspondente.