A VELLA NA BOTELLA

As nosas compañeiras INÉS, ANA e REBECA viñeron ás aulas de Infantil a enchelas de emoción e misterio a través deste conto máxico: A vella na botella, da Editorial OQO.

Unha bruxa de pelo roxo, farta das queixas da súa veciña, decide un día lanzarlle un meigallo terrible e encerrala nunha botella: 

Carne de burro, carne de can, 

que te leve o furacán!

Por sorte, unha fada do bosque libera á vella do seu encerro e cúmprelle o seu desexo: vivir nunha casiña con horta, vacas e galiñas; pero a desagradecida muller axiña se mostrará descontenta e aspirará a unha vida mellor.

MOITAS GRAZAS AMIGAS!